Corsica Ferries cù l'embiu
A Corsica, ricchezza naturale à mezu mare hè sempre stata prutetta.
E bellezze è e diversità di sta natura fàcenu di a Corsica unu frà l'ùltime riserve naturale di l'Auropa.
Corsica Ferries cù i so mezi, participeghja cun primura à a prutezzione di l'embiu naturale.
Ciò chè no femu
Dapoi sempre, Corsica Ferries hè indiata assai in a furmazione di u persunale di bordu à u rispettu di l'embiu.
A cumpagnìa si dà à sparghje sti valori nant'à e navi è in tutti l'uffìzii, è hà risparmiatu dinò l'adopru di certe matèrie : Per indettu, e butteghe à bordu ùn ùsanu più sacchetti di plàsticu. Tutti l'uffìzii di a cumpagnìa ùsanu carta riciclata, è altr'è tantu ne hè pè a carta di i nostri opùsculi è altra robba d'infurmazione diffusa à i clienti.
Di listessu modu, femu ribumbà à bordu e campagne à prò di l'embiu, pruvendu à fà nasce à i nostri passageri una cuscenza di l'ecogesti.
Corsica Ferries hè cuscente di l'impurtanza, à u livellu ecunòmicu è embientale, di a necessità di calà quant'omu pò a cunsumazione di benzina di e nave.
Corsica Ferries face parte di Armatori di Francia è cusì accunsente à a Carta Turchina (Charte Bleue) d'Armatori di Francia di cui unu di l'impegni ghjè a prutezzione di l'embiu marinu è di e custere.
Più precisamente luttendu contr'à u riscaldu climàticu, a nostra cumpagnìa face parte oramai di a dimarchja carbone à e so attività.
U nostru sustegnu
Dipoi più di 15 anni, a cumpagnìa sustene i centri di ricerca embientali è biològichi, accugliènduli à bordu durante uperazioni di custòdia di i cetacei, à prò di a salvezza di i mammìferi marini :
- Accademia del Leviatano
- C.R.A.B.
- Centro Ricerche Ambientali e Biologiche Soc. Coop.
A cumpagnìa, partenaria di Festiventu dapoi tant'anni, hà particiaptu à a messa in ballu di l'azzioni quì sottu :
- Halte aux sacs plastiques ! , chjama seguitata d'effetti in Corsica, è chì dapoi si sparghje pè u cuntinente sanu sanu.
- Sème pas tes piles
- Oui au papier recyclé è L'appel de la forêt cù Greenpeace France
- Du Jetable au Durable cù WWF France è l'agenza 02 France
- L'estocade aux sacs plastiques cù WWF France
Corsica Ferries sustene dinù a publicazione :
- le Petit Guide Conseil de l'Eko-Touriste
E nostre campagne d'affissu
