A nostra filusufìa

ferry corsica

Annu dopu annu, a nostra cumpagnìa hà sempre rispostu à u mercatu, aprendu e ligne Cruise ferries (1989/1990), prupunendu u servìziu shuttle chì multiplicheghja e lee cù a Corsica (1995), iniziendu, da prima cumpagnìa privata, i battelli veloci (1996), o puru adunendu e caratterìstiche, cù a custruzzione di i Mega Express, di capacità, vitezza, frequenza è cunfortu.


Un low-cost marìttimu

I Mega Express anu permessu d'accresce l'offerta cun viaghji di ghjornu, pruposta nova è vera di pett'à u tradiziunale viaghju di notte, è hà fattu scambià u nostru pensamentu, oramai giratu ver'di u servìziu à u cliente. In passatu era u viaghju di notte à esse preferitu, cunsideratu solu da "modu di trasportu". Oghje a traversata di ghjornu, di i nostri ferries ne face lochi di divertimenti chì permèttenu à i nostri clienti di passà cù asgiu stu tempu di principiu o fine di vacanze, in tuttu cunfortu (magazeni, butteghe, usterìe, aghje di ghjocu, bars, piscine).
Emu messu in ballu una pulìtica generale d'ammaistrera di i costi ad ogni livellu di a gestione ecunòmica.
- A scelta di e navi fatte in Italia à prezzi cumpetitivi, e so grandi capacità accuppiate à e frequenze di i pass'è veni permèttenu di pudè fà calà assai i costi unitarii. A so alta vitezza permette 3 o 4 pass'è veni à u ghjornu pè listessa ligna.

Savone
- A scelta di i porti : A ricerca di porti novi è l'accordi neguziati cù quessi anu fattu calà u costu di i scali. Cusì emu sceltu Tulò à 65 km di Marseglia, Savona à 30 km di Ghjenuva, Golfu Aranci à 15 km d'Olbia...
- A pulìtica di diffusione : Emu inventatu u tickefax è u tick-e-mail da rimpiazzà i biglietti tradiziunali. U nostru situ internet hè apertu à i particulari cum'è à l'agenze di viaghju.
- A gestione di i costi : Ogni annu sò rimanighjati i budgetti è turnati à neguzià cù ogni serviziu. Ogni stonda rimettimu in quistione e nostre strutture di costi cù l'aiutu di sperti.

À l'ascolta di u cliente

A nostra missione dapoi sempre hè di traspurtà passageri, mercanzìa è veìculi da o versu l'ìsule di Corsica è di Sardegna, in un embiu di cuncurrenza, senzu aiutu di u Statu è cù a qualità di servìziu a più alta pussìbule.
Parechji anni di fila Corsica Ferries hà ricevutu u premiu Travel Star Gold di a megliu cumpagnìa di ferries, attribuitu da agenti di viaghji sguìzzeri, è u premiu Voyage d'Or attribuitu à a megliu cumpagnìa di ferries travagliendu in Francia.
A nostra gestione di modu "Low Cost" assicureghja tariffi i più bassi, tutta l'annata è per ogni viaghju, sempre in u rispettu di e norme e più strette di sicurità è di prutezzione di l'embiu.
- U certificatu di qualità : Dipoi u 1968, emu dimustratu chì prezzi à bon'pattu è qualità pudìanu viaghjà inseme. Simu a prima cumpagnìa in u Terraniu à esse certificati ISO 9002 per tutte e nostre attività, passageri è mercanzìa, o per e nostre navi.
- Tariffi nuvaticci : Emu iniziatu un'offerta di tariffi diversificati cù prezzi à bon'pattu da pudè vene in Corsica :

  • I tariffi Jackpot : creati in u 1993, i tariffi Jackpot anu permessu certe ecunumìe di circa 70 % à u cliente chì riserva capunanzu.
  • Le Tariffu Residente Corsu : nant'à e nostre ligne frà a Corsica è u cuntinente francese. Vene prupostu à e persone chì ponu ghjustificà di a so residenza in Corsica, nant'à viaghji à pass'è veni in partenza di Corsica. **

* vede e cundizioni d'appiegu di u tariffu Residente Corsu

Una cumpagnìa mudernista

A nostra cumpagnìa hà sempre innuvatu in e so marche è cù a so vicinanza cù u cliente. Tutte ste marche l'emu create :

- Tickefax®
- Tick-e-mail®
- Tarif Jackpot®
- Corsica Shuttle®
- Corsica Ferries®
- Sardinia Ferries®
- Elba Ferries®
- Kallisti Ferries®
- Vivacorsica®
- Vivasardegna®
- Corsica Club®
- Corsica Express®