Passageri cun poca mubilità

Tempu a riservazione, per piacè signalàteci chè vo site passageru cun poca mubilità : esìstenu cabine adatte nant'à guasi tutti i nostri ferries.
Di listessu modu, per facilitavvi l'accessu à bordu (accessu à l'ascensore ...), v'invitemu à prisentavvi à u Rispunsèvule di Scalu bellu prima di l'uperazioni d'imbarcu (vale à dì omancu 1 ora prima di a partenza).

Cuntrolli d'identità

Tenìtela à mente : In cunfurmità cù u regulamentu ISPS(còdice internaziunale per a sicurezza di e nave è i porti), à ogni mumentu ponu esse fatti cuntrolli di biglietti è d'identità, ch'ella sia in portu o à bordu. Vi preghemu di tene cun voi biglietti, sè vo l'avete, ducumenti d'identità in corsu di validità è ghjustificativi di reduzzione.

Bagagli

Sè vo viaghjate senza veìculu, avete u dirittu à u trasportu di gràtisi di i vostri bagagli à manu. Dèvenu cuntene quessi solu effetti persunali è ùn devenu piglià una piazza sprupusitata.
Bagagli fora di misura cum'è canoë, kayak, etc ... s'elli ùn sò messi sopr'à u veìculu devenu esse posti in garagiu è seranu sottumessi à spese fissate da a Cumpagnìa.
Pudete purtà i vostri bagagli in cabina o lascialli à a cunsegna di u battellu.
A Cumpagnìa ricusa ogni rispunsabilità per i bagagli di manu quand'elli sò tenuti da u viaghjadore in propria manu, puru s'elli sò stati cullucati in spazii apposta previsti, fintantu chì a colpa di a Cumpagnìa ùn s'hè pussuta verificà, purghjèndune a prova. Ma puru tandu, e spese di cumpensu ùn puderanu supranà 300 €.
Attenzione ! Vi ramintemu ch'ella hè propriu difesa di purtà à bordu arme di qualsìasi natura nè robba periculosa cum'è splusivu, gasu, benzina o altru pruduttu da piccià focu (cf. cundizioni generale).
Durante i cuntrolli di sicurità serà propriu cunfiscata quella robba senza pussibulità ch'ella sia nè rimbursata nè resa.

Salute - Donne incinte

Ogni casu particulare di salute deve esse dichjaratu à tempu à a riservazione. A Cumpagnìa pò ricusà l'imbarcu à i passageri chì averèbbenu bisognu d'una assistenza particulare durante u viaghju, postu chì solu in casu d'urgenza hè abilitatu u duttore di bordu à purtà assistenza.
S'ellu presenta u passageru un certificatu medicale fattu in cundizione, è chì stabilisce ch'ellu ùn hà nisun'bisognu d'assistenza medicale particulare durante u viaghju, a Cumpagnìa tandu serà in gradu di lasciallu imbarcà, ma ricusendu ogni rispunsabilità riguard'à ellu.

Donne incinte
E donne incinte avendu francatu u seièsimu mese di gravidenza dev'èssenu ubligatoriamente pruviste d'un certificatu medicale chì l'auturizeghja u viaghju, da prisentà à ogni dumanda di u persunale di bordu.
In casu di gravidenza cun cumplicature di salute, a passagera incinta duverà esse ubligatoriamente pruvista d'un certificatu medicale chì l'auturizeghja u viaghju, qual'ellu sia u mese di gravidenza.

Infurmazioni

Quand'è vo riservate, per piacè lasciàteci sempre un nùmeru di telefuninu o, à u peghju fà, di telèfunu fissu per ch'o vi pòssimu tuccà è infurmà in casu di scambiamentu maiò d'orariu.
Vi puderemu dinò mandà un SMS.

Durante a traversata

Durante a traversata ùn averete più accessu à u vostru veìculu. Pigliate dunque cun voi tutta a robba necessaria per u viaghju (tutti i nostri battelli sò climatizati).
Segnàtevi bè a pusizione di a vittura, stinzate u frenu à manu è incruchjate una vitezza. Spinghjite ogni sirena di sicurità, fate casu chì tutti i lumi sìanu spenti è chjudite porte è cascione.
Ùn lasciate mai in vittura ugetti o robba guastatoghja durante a traversata : Tenite à mente chì a timperatura nentru i garagii pò esse altìssima.

Telèfunu è Wifi à bordu

I nostri battelli sò pruvisti d'una cupertura telefònica GSM furnita da TIM@Sea. Quand'ellu vene dispunìbule stu servìziu, apparisce un sìmbulu nant'à u screnu di u vostru telèfunu. Tandu pudete usà u vostru smart-phone durante tutta a traversata. E cumunicazioni seranu fatturate à tariffu internaziunale da u vostru uperatore mòbile.

Prufittate dinò, cù u nostru partenariu Seafy, d'un accessu Wifi durante tutta a traversata cù a cunnesione via satèllitu.
Sceglite puru frà i 3 packs wifi pruposti, riservate è firmate cunnessu durante a traversata sana.

> Sapè ne di più nant'à l'offerte Wifi

Robba persa à bordu

Sè vo avete lasciatu o persu qualchì uggettu à bordu, addirizzàtevi à u puntu d'infurmazione durante a traversata.
Dopu quessa, rinsignate u nostru furmulàriu online per dichjarà a pèrdita di quella robba.
L'uggetti senza valore sò cunservati 2 settimane, l'altri un mese.
A Cumpagnìa ricusa ogni rispunsabilità in casu di bagagli sbundati o rotti.

 

Prumuzione
Residente in Corsica




-20% nant'à passageri, veìculu è cabine
Nuvità ! Sicilia è Baleare partendu da Corsica
Tariffu Incaminata -90%