Girate a Corsica

Da Capicorsu salvàticu è battutu da i venti fin'à e coste bianche di Pumonte, passendu per e muntagne russicce di punente o a costa urientale suminata, a Corsica sana sana hè sempre un invitu à u viaghju, chè vo stìate in Corsica o fora.

Sè vo site fora, vi prupunimu una scelta ricca di traversate versu a Corsica , sempre à bon'pattu.


Da Corti inturniata da l'alte cime à Aiacciu longu tirata nant'à u golfu, da Bastia apposs'à e muntagne matticciose à Pruprià è Portivechju innalzate frà i scogli di granitu, lochi, culori è prufumi sfìlanu, sempre sferenti ... ma in ogni parte, a Corsica vi rigalerà tutta a so bellezza !

A Corsica hè dinò divizia per un sugiornu in famiglia : Ch'à i vostri zitelli li piacca u mare o a muntagna, pocu impreme ! In Corsica ci hè tantu da fà : sportu di mare, attippera in muntagna, ognunu ci si truverà u so piacè !

Ne vulete sapè di più nant'à a Corsica ?
Nant'à u blog Vivacorsica , truvate puru tutte l'infurmazioni per accuncià u vostru viaghju in Corsica, per truvà case o appartamenti in affittu, per pigiunà una vittura, è ancu per cumandà robba nustrale cù internet !

Spartite cù l'altri a vostra passione per a Corsica è lasciàteci puru u vostru parè !