Riservazione è cundizioni

E riservazioni fret si ponu fà o nant'à u situ.

In casu ch'ellu ùn sia dispunìbule u viaghju da voi sceltu nant'à u situ, cuntattàteci puru per email per verificà a dumanda o puru prupònevi altra pussibulità.

Camiò senza sciuffore :
Per i camiò senza sciuffore sò sferenti i tempi per riservà :
- Per una partenza da u marti à u sàbatu, a riservazione averà da esse fatta a vigilia di a partenza, prim'à meziornu.
- Per una partenza in dumènica è luni, a riservazione averà da esse fatta u vènneri matina prim'à meziornu.
- Per una partenza in ghjornu feriatu, a riservazione averà da esse fatta 48 ore prima di a partenza.

Francati sti tempi ùn puderà più esse guarantitu l'imbarcu.

Veìculi chì viaghjanu cù timperatura mantenuta :
Pensate à dichjarà u vostru bisognu d'imbrancu à tempu à a riservazione. Norma d'imbrancu 32A/50-60Hz/400 V.
À i veìculi ch'ùn rispettanu micca quella norma d'imbrancu li si puderà ricusà l'imbarcu.

Trasporti speziali:
Assicuremu dinò i trasporti speziali sopr'à dumanda.
- Trasportu di mercanzìe cù timperatura mantenuta.
- Trasportu eccezziunale, veìculu for'di misura.
- Trasportu di robba periculosa.
- Fret micca accumpagnatu (camiò senza sciuffore).
- Trasportu d'animali vivi.
- Trasportu d'animali morti.


Arregistramentu è imbarcu

Arregistramentu in linea :
Prima chè d'imbarcà, vi tocca à arregistravvi è dichjarà a robba traspurtata. Saperete chì l'arregistramentu in linea deve esse fattu :

- omancu 4 ore prima di a partenza.

Qualsìasi camiò nancu arregistratu durante u tempu cuncessu perderà a so priurità à l'imbarcu.

Imbarcu :
L'ora lìmita di prisentazione à l'imbarcu hè 1 ora prima di a partenza per i camiò accumpagnati da u sciuffore, 2 ore prima di a partenza per quelli senza sciuffore.

Staziunamentu à bordu :
Cullatu à bordu, assicuremu a ligata di u vostru materiale cù e catene. A pusizione à bordu hè decisa da l'Ufficiale rispunsèvule di e càriche à bordu.


Annullamentu è mudifica

In casu d'annullamentu in parte o in tuttu, i biglietti Fret sò sottumessi à penalità secondu u costu for'di tassa di u bigliettu :
- 20 % fin'à 48 ore prima di a partenza,
- 50 % fin'à 24 ore prima di a partenza,
- 100 % per i biglietti annullati fin'à 1 ora prima di a partenza.

Nant'à e ligne Italia/Sardegna :
- 20 % fin'à 48 ore prima di a partenza,
- 100 % per i biglietti annullati u ghjornu di a partenza.

In casu di scambiu di data, ponu esse mudificati i biglietti :
- senza spesa fin'à 24 ore prima di a partenza privista à l'iniziu.
- cù 30% di penalità sì u scambiu di data occorre u ghjornu di a partenza.