Artìculu.1. Scopu
E presente cundizioni generale d'adopru (in sèguitu "CGA") anu per scopu di definisce e cundizioni d'adopru di i servìzii (in sèguitu i "Servìzii") pruposti nant'à u situ web www.corsicaferries.com o a so appiecazione mòbile (in sèguitu « Situ »).
E CGA s'appiecanu ad ogni declinazione o estesa di u Situ nant'à e rete suciale è/o cumunitarie esistente o future.
Qualsìasi persona maiò d'età chè abbia accessu à u Situ, ch'ella sia à tìtulu persunale o pufessiunale, qualessi sianu u locu duv'ella si trova, e mudalità di cunnessione à u Situ, u scopu è finalità di u so accessu à u Situ è/o di l'adopru di i Servìzii, ghjè un utilizadore (in sèguitu "l'Utilizadore").
L'Utilizadore deve accettà di rispettà e presente CGA senza nè ristretta nè riserva. Quella accettazione vene intesa à tempu à a navigazione di l'Utilizadore nant'à u Situ è vene furnita fisicamente da un cliccu di cunvàlida durante a creazione di un contu.

Artìculu.2. Accettamentu di e Cundizioni Generale d'Adopru
Vene intesa a cunniscenza è l'accettazione senza riserva da l'Utilizadore di l'inseme di e CGA à tempu à a so cunnessione à u Situ è l'adopru ch'ellu face di i Servìzii, qualessu sia u terminale numèricu adupratu.
S'appiecanu e CGA inseme à e Cundizioni Generale di Vèndita è à a Carta di i Dati Persunali è Cookies.
Hè invitatu l'Utilizadore à ùn cunnèttesi micca à u Situ nè ad aduprà i Servìzii s'ellu ùn accetta in parte o in tuttu quelli tèrmini quì sopra.
CORSICA FERRIES si tene u dirittu di mudificà i tèrmini di e CGA. L'Utilizadore deve sapè chì a versione in usu hè quella messa in linea nant'à u Situ, à a data ch'ellu accede à qualsìasi di i Servìzii, è chì l'Utilizadore a ricunnosce, l'accetta senza riserva è s'ingagia à facci sempre riferimentu ad ogni cunnessione soia.

Artìculu.3. Iscrizzione à i servìzii è gestione di l'identificativi
CORSICA FERRIES mette à dispusizione varii Servìzii accessìbili solu dopu creazione di un contu persunale.
L'Utilizadore deve sapè chì CORSICA FERRIES si tene u dirittu di mudificà o disabilità, n'importa quandu, senza preavisu è di a soia sola a decisione, tuttu o parte di i Servìzii.
Artìculu 3.1 Mudalità d'iscrizzione à i servìzii
L'accessu à u Situ si face da un'urdinatore, un telefuninu o un terminale mòbile cunnessu à una rete di telecumunicazione secondu i prutucolli aduprati per a rete Internet. CORSICA FERRIES ùn furnisce nisun'mezu mintuvatu quì sopra.
Deve sapè l'Utilizadore chì u costu di l'accessu è a navigazione nant'à u Situ vene à càrica sclusiva soia. L'accessu à i Servìzii hè riservatu à e persone maiò d'età è fisicamente capaci. U Situ s'indirizzu à i particulari quant'è à i prufessiunali.
L'Utilizadore deve furnisce i dati da identificallu.
Per creà u so contu, l'Utilizadore deve empie un furmulàriu d'iscrizzione dendu infurmazioni persunale, cum'è nome è casata, indirizzu mail, còdice pustale è una parolla secreta, chì permetteranu dopu d'identificallu è facilitalli l'accessu à i Servìzii.
S'ingagia l'Utilizadore à furnisce infurmazioni vere, precise è cumplette nant'à quellu furmulàriu. S'ingagia dinò à mantene à ghjornu quelle infurmazioni ad ogni cambiamentu di situazione.
Artìculu 3.2 Gestione di l'identificativi
L'indirizzu mail è/o u nùmeru di contu è a parolla secreta (in sèguitu l' "Identificativi") permettenu ad ogni Utilizadore d'identificassi è di cunnèttesi à i Servìzii. Sò persunali è secreti, è ponu esse mudificati solu da richiesta di u so titulare.
Ogni Utilizadore hè rispunsèvule di l'adopru di i so Identificativi è s'ingagia à tèneli secreti, à ùn palisalli à qualsìasi terzu, sottu à qualsìasi forma. In casu di pèrdita, arrubbecciu o adopru falzificatu di l'Identificativi, serà tenutu l'Utilizadore d'avvisanne CORSICA FERRIES sùbitu sùbitu. L'Utilizadore puderà tandu dumandà u scambiu di so Identificativi s'ellu ci hè u rìsicu d'un so adopru da qualchì terzu.
In sèguitu ogni Utilizadore hè solu rispunsèvule di l'adopru di u(i) Servìziu(i) fattu(i) cù u so contu. Qualsìasi cunnessione o trasmissione di dati prucessa usendu l'Identificativi serà tenuta da fatta da l'Utilizadore è sottu à a so sclusiva rispunsabilità. Di cunsequenza CORSICA FERRIES ùn pò esse rispunsèvule di l'adopru falzificatu di l'Identificativi di l'Utilizadore da qualchì terzu.

Artìculu.4. Accessu à i servìzii, suspesa di i servìzii
4.1 Dispunibulità di u Situ
CORSICA FERRIES s'ingagia à fà u so pussìbule per assicurà l'accessu è u viaghjà di u Situe 24 ore nant'à 24 è 7 ghjorni nant'à 7 senza arrestu. Però CORSICA FERRIES ùn pò esse teneuta da rispunsèvule in casu d'indispunibulità di poca durata di u Situ è i Servìzii :
(i) in casu di mantenenza tècnica di u Situ o di i Servori chì l'assicureghjanu l'allogiu,
(ii) in casu d'evenimenti indipendenti da u so vulè è cuntrollu,
(iii) per cagione di maiò forza.
4.2 Suspesa di l'accessu
CORSICA FERRIES si tene u dirittu di suspende l'accessu à i Servìzii :
(i) in casu di pèrdita, arrubbecciu è/o adopru di l'Identificativi di l'Utilizadore dopu chì ellu ne averà avvisatu CORSICA FERRIES,
(ii) in casu d'adopru micca in cunfurmità cù e presente Cundizioni,
(iii) in casu d'uperazioni di mantenenza. Ùn puderà esse ingagiata a rispunsabilità di CORSICA FERRIES per via di tagliature di Servìzii è cunsequenze chì ne puderanu occore à discapitu di l'Utilizadore.

Artìculu.5. Òbligu di l'utilizadore
Deve sapè l'Utilizadore chì l'inseme di e legi è regulamenti in usu sò dinò da appiecà nant'à Internet.
Mentre a so iscrizzione è adopru di i varii Servìzii, ogni Utilizadore s'ingagia di pettu à CORSICA FERRIES quant'è ad altri Utilizadori iscritti è più largamente, à qualsìasi terzu, à :
- Furnisce dati veri, precisi, à ghjornu, cumpletti ;
- Ùn furnisce dati sbagliati, for'd'usu ;
- Ùn impatrunissi, in tuttu o in parte, di l'identità, u tìtulu o a qualità di qualsìasi terzu ;
- Rispettà a gestione di l'accessi è in particulare, ùn piattà micca a so vera identità cunnettèndusi cù paràmetri persunali d'un altru Utilizadore ;
- Tene secreti i so propri Identificativi è ùn palisalli à qualsìasi terzu ;
- Avvisà à CORSICA FERRIES di tutti i malfunziunamenti lògichi o tècnichi ch'ellu puderebbe scopre, cum'è in particulare, accessi micca auturizati nant'à u so contu.
In mancanza di rispettu di e règule mintuvate quì sopra, CORSICA FERRIES si tene a pussibulità d'interrompe o ricusà l'accessu à l'Utilizadore, senza preavisu nè cumpensu, per qualchì tempu o di manera definitiva, à tuttu o parte di i Servìzii.

Ad ogni Utilizadore iscrittu vene interdetta di pettu à CORSICA FERRIES quant'è ad altri Utilizadori iscritti è più largamente, à qualsìasi terzu, di :
- spaperghje prupòsiti diffamanti, illèciti, accaniti o minacciosi di pettu à qualchissia, o puru in viulazione di i so diritti ;
- fà apulugia di crìmini contr'à l'umanità, d'incità à l'oddiu razzale o pedufilìa ;
- creà qualchì falza identità o impatrunissi di quella d'un terzu ;
- spaperghje viri, cavallu di Troia, bombe lògiche o qualsìasi prugrammu chì puderebbe cagiunà danni o nuce à u Situ ;
- ripiglià à so contu tuttu o parte di u cuntenutu d'òpere digià esistente senza l'accordu di i titulàrii di i diritti di quell'òpere ;
- ripruduce è/o aduprà a marca, ragione suciale, logò o qualsìasi segnu distintivu è più largamente, qualsìasi datu di qualsìasi natura, edituriale, gràficu o altru di CORSICA FERRIES o d'un terzu ;
- prucede o puru pruvà un'intrusione nentr'à u Situ o sistema d'amministrazione di u Situ o di mudificà, in parte o in tuttu, l'elementi in ellu cuntenuti.
- sfruttà i Servìzii o cuntenuti persunali chì ci averà pussutu avè accessu à scopu cummerciale ;
- prupone prudutti o servìzii in u Situ chì li puderanu permette qualchì rimunerazione, ch'ella sia di modu direttu o indirettu. ;
- limità l'accessu o l'adopru di u Situ ;
- mudificà note o elementi di u Situ ;
S'ingagia l'Utilizadore à retribuì à CORSICA FERRIES di qualsìasi dannu o preghjudìziu cagiunatu di modu direttu o indirettu, per via di mancanza di rispettu di quelle règule.
Ogni Utilizadore chì agiscerà di modu cuntrariu à e presente CGA si spone à càriche di natura civile o penale.

Artìculu.6. Rispunsabilità
In u so adopru di u Situ, l'Utilizadore s'ingagia à ùn contradì e dispusizioni è regulamenti in usu, nemmancu e presente CGA. Più largamente, CORSICA FERRIES ricusa ogni rispunsabilità in casu d'adopru ch'ùn serebbe micca in cunfurmità cù e presente CGA.
S'ingagia l'Utilizadore à risponde cun cura è diligenza ad ogni riclamu o richiesta fàttuli. Hè rispunsèvule l'Utilizadore di pettu à CORSICA FERRIES è/o terzu di qualsìasi dannu materiale è/o immateriale, direttu è/o indirettu di qualsìasi natura da ellu cagiunatu in casu d'adopru micca in cunfurmità. L'Utilizadore rinuncia ad ogni dumanda, riclamu, rivendicazione è/o ricorsu d'ogni sorte contr'à CORSICA FERRIES, e so sucetà matre, surelle è filiale, i so raprisententi, impiegati, partenàrii, in sèguitu à qualsìasi viulazione di i sopradetti regulamenti.
L'Utilizadore li deverà ritribuzione, ad ogni mumentu è toccu a prima dumanda, dopu à qualsìasi dannu è/o ogni dumanda, azzione, lagnanza venendu da qualchì terzu in sèguitu à qualsìasi viulazione di i sopradetti regulamenti. Quella garanzìa copre i danni è interessi chì puderebbenu esse devuti, di modu direttu o indirettu ch'ella sia, cum'è unuràrii d'avucatu, spese di spertìzia, di ghjustìzia è fiscale.


Artìculu.7. Pruprietà intellettuale
Di manera generale, s'interdisce l'Utilizadore d'attaccà u dirittu di pruprietà intellettuale (dirittu d'autore, diritti vicini, dirittu « sui generis » di u pruduttore di base di dati, dirittu nant'à e marche, nomi di dumìniu ...) à CORSICA FERRIES è/o à qualsìasi terzu.
CORSICA FERRIES hè titulare d'ogni dirittu di pruprietà intellettuale nant'à a struttura quant'è u cuntenutu di u Situ (testi, logò, màghjine, robba sonora, prugrammi infurmàtichi, iconi, messa in pàgina, base di dati ...) o puru ne hà acquistatu di modu legale i diritti chì permettenu l'utilizu di a struttura è di u cuntenutu di u Situ, senza alcun'lìmitu.
CORSICA FERRIES cuncede à l'Utilizadore u dirittu d'aduprà u Situ à scopi strettamente privati, basta ch'ella ùn sia à fine cummerciale. In casu d'adopru prufessiunale ne duverà ottene l'Utilizadore da CORSICA FERRIES l'auturizazione espressa capavanti è scritta.
Cusì, l'Utilizadore ùn puderà ripruduce, raprisentà, adattà, traduce, trasfurmà in parte o in tuttu, nemmancu trasferisce elementi di u Situ, di qualsìasi manera è qualessu ne sia u scopu, for'chè ricevùtane da CORSICA FERRIES l'auturizazione espressa capavanti è scritta.
U telecaricamentu da a parte di l'Utilizadore di certi elementi cum'è testi è fottò pò esse auturizatu da CORSICA FERRIES. Sta pussibulità hè di stretta decisione di CORSICA FERRIES, chì a pò scambià o caccià ad ogni mumentu. L'Utilizadore s'ingagia tandu à ùn sprime cuntestazione contr'à CORSICA FERRIES à stu tìtulu. Inoltre, a scuperta di telecaricamentu micca auturizatu puderà cunduce à CORSICA FERRIES è/o qualsìasi terzu cuncernatu à inflige qualchì sanzione cunvenente, in particulare trattendu di viulazione di i diritti di pruprietà intellettuale.
Sposte sò marche è logò nant'à u Situ da e sucetà chì ne sò titulare. Hè difesa qualsìasi ripruduzzione di nomi è logò, qualessu ne sia u mezu, senza auturizazione capavanti da u titulare.
Ùn rispettà micca quelli interdetti pò custituisce un attu di contrafattura è/o sleale (ancu parasitària) cuncurrenza, chì ingagia a rispunsabilità civile è/o penale di l'Utilizadore.
Lee ipertestu
1. Eccetti siti chì publicheghjanu infurmazioni è/o cuntenuti à caràtteru illegale è/o di natura pulìtica, religiosa o pornugràfica, un Utilizadore pò creà una lea ipertestu nant'à qualchì situ ver'di u Situ. In casu d'adopru di lee nant'à sti siti terzi, hè invitatu l'Utilizadore à ripurtassi à e Cundizioni Generale d'Adopru di quelli detti siti. CORSICA FERRIES si tene però u dirittu d'oppònesi è ricusa ogni rispunsabilità in quant'à l'infurmazioni cuntenute in quelli siti liati à u soiu da una lea ipertestu o altru mezu.
2. Invece, lee ipertestu cuntenute nentr'à u Situ ponu rimandà versu altri siti qualessu ne sia u mezu. Ùn pudendu cuntrullà sti siti è fonti esterni, CORSICA FERRIES ùn pò esse tenuta da rispunsèvule di a messa à dispusizione di sti siti è fonti esterni, è ùn pò assume qualunque rispunsabilità in quant'à cuntenutu, publicità, prudutti, servìzii o tutta altra matèria dispunìbule nant'à o à pàrtesi di quelli siti o fonti esterni.
Inoltre, ùn puderà esse tenuta CORSICA FERRIES da rispunsèvule di qualsìasi dannu accertatu o cunseguente o rilativu à l'adopru o ad avè fattu cunfidenza à cuntenuti, beni o servìzii dispunìbuli nant'à sti siti o fonti esterni.
Infine, nentr'à i lìmiti accunsentuti da a lege, CORSICA FERRIES ùn puderà esse tenuta da rispunsèvule in casu chì u cuntenutu di quelli detti altri siti anderebbe cuntràriu à e dispusizioni legale è regulamenti in usu.


Artìculu.8. Dati à caràttere persunale è cookies
Hè invitatu l'Utilizadore à piglià cunniscenza di a Carta di i Dati Persunali è a pulìtica di Cookies di u Situ.


Artìculu.9. Cunservazione, archiviu è cunvenzione nant'à e prove
9.1 Cunservazione è archiviu
CORSICA FERRIES garantisce a cunservazione durante un tempu di 10 anni di i tèrmini cuntrattuali chì u leanu à l'Utilizadore.
9.2 Cunvenzione nant'à e prove
Accettanu CORSICA FERRIES è l'Utilizadore à cumunicà priuritariamente per via elettrònica. Quelle cumunicazioni elettròniche sò legalamente accertate frà CORSICA FERRIES è l'Utilizadore è custituiscenu prove da riceve, da valè, da oppone à terzi.


Artìculu.10 : Dispusizioni varie
A nullità in parte o in tuttu d'una o parechje dispusizioni di e presente CGA, in virtù d'una dispusizione legale o regulamentària o d'una decisione di ghjustìzia fàttasi definitiva, ùn avvia micca à a nullità di l'altre dispusizioni o di a parte di a dispusizione micca tocca da nullità.


Artìculu.11. Lege da appiecà è cumpetenza ghjùdice
Hè statu editatu u Situ in francese, in corsu è in parechje altre lingue da facilitalli l'accessu internaziunale.
In casu però di contradicenza frà duie versioni linguìstiche, serà a versione francese à valè in priurità nant'à l'altre.
In mancanza di rispettu da a parte di l'Utilizadore, qualessu sia u locu duv'ellu campa è stà di casa, d'una dispusizione di e presente CGA è di manera più generale, ogni lita riguardu à u so eseguimentu, interpretazione o appiecu, hè di cumpetenza sola di a lege Francese è di e ghjuridizzioni francese.