Cuntattàteci

Pudete ottene un devisu (da 1 à 9 passageri) per a vostra traversata direttamente nant'à u situ, usendu u mutore di riservazione, seguitendu e scelte di traversate è prestazioni, è firmènduvi à a pàgina « Tariffi ». Cusì pudete ottene un devisu bellu cumplettu, è ancu paragunà u prezzu scegliendu altre date o traversate.

Per un gruppu d'omancu 10 persone o 10 veìculi, cuntattate puru u nostru servìziu Gruppi cumunichendu e date è e traversate da voi scelte.

Sè vo traspurtate e mercanzìe, cuntattate puru u nostru servìziu Fret per ottene un devisu o per riservà.

Sè vo site membru d'un CI o associu, avete u dirittu à un tariffu apposta. Vi cunsigliemu di creavvi un contu cliente in u nostru prugrammu CorsicaClub, è d'avvisà u vostru rispunsèvule CI/associu di modu ch'ellu fia anch'ellu a dimarchja di creazione di u contu CI/associu nentru u CorsicaClub.

U tariffu cun prumuzione Jackpot ùn si pò nè mudificà, nè rimbursà in casu d'annullamentu ch'ella sia in parte o in tuttu.

Un bigliettu emessu cun tariffu Standard pò esse mudificatu paghendu 30 € (9 € senza veìculu) per ogni traversata, da aghjunghje à e casuale diferenze di tariffu. Ùn pò esse rimbursatu nè in parte nè in tuttu.

Un bigliettu emessu cun tariffu Flex puderà esse mudificatu, è in casu d'annullamentu in parte o in tuttu, serà sugettu à e penalità quì sottu, da appiecà à u prezzu fora di tasse :
- 10% di u prezzu di u bigliettu fin'à un mese prima di a partenza,
- 20% fin'à 48 ore prima di a partenza,
- 50% fin'à l'ora-lìmita di prisentazione à l'imbarcu,
- 100% aldilà di u tempu di prisentazione à l'imbarcu.

Un bigliettu emessu cun tariffu Residente pò esse mudificatu fin'à 24 ore prima di a partenza à a cundizione chì u nuvellu bigliettu sia riservatu cù u tariffu Residente o Standard. Seranu ritenuti 9 € per qualsìasi mudificazione, da aghjunghje a e casuale diferenze di tariffu. In casu d'annullamentu in parte o in tuttu, serà sugettu à e penalità quì sottu, da appiecà à u prezzu fora di tasse :
- 20% fin'à 48 ore prima di a partenza,
- 50% fin'à l'ora-lìmita di prisentazione à l'imbarcu.

Un bigliettu emessu cun prumuzione Residente ùn si pò nè mudificà, nè rimbursà in casu d'annullamentu ch'ella sia in parte o in tuttu.

Vi tocca à purtà cun voi qualchì ducumentu d'identità in corsu di validità (carta d'identità o passaportu) cun ghjustificativi di riduzzioni. À ogni mumentu ponu occorre cuntrolli d'identità di i passageri o biglietti cun paragonu di ducumenti, ch'ella sia nant'à u portu o à bordu.

Truverete in a pàgina "In viaghju" poi "I porti" un pianu d'accessu d'ogni portu di partenza.

Sè vo imbarcate senza vittura, prisentàtevi puru omancu una mezora prima di a partenza. Cù a vittura, prisentàtevi omancu un'ora prima. Corsica Ferries si tene u dirittu di ricusà l'accessu à u battellu s'ella ùn hè rispettata l'ora di prisentazione.

Prisentàtevi puru trà 8 ore è mezu di sera è 10 ore. Avete a pussibulità di fà cena à bordu, essendu aperti i nostri diversi servìzii di risturazione tempu chè vo site ghjuntu.

Sì una o parechje persone vòlenu cullà à pedi mentre l'imbarcu di a vittura in garagiu, basta à riservà a prestazione « Express Boarding ». Vi prupunimu dinò u servìziu « Top Position » : In più di « l'Express Boarding » per i passageri, u sciuffore imbarca u so veìculu di modu à esse piazzatu à a surtita di u battellu è di sbarcà sùbitu sùbitu. Sti 2 servìzii sò da riservà nant'à u situ, basta ch'elli sìanu dispunìbuli.

Sì u nuvellu veìculu hè di listessa categurìa chè quellu prima, ùn avete nunda à mudificà nant'à a vostra riservazione. Invece sì e categurìe sò sferente, vi tocca à mudificà u vostru bigliettu nant'à u situ, in u quatru "Da cantu vostru" poi "Mudificate u vostru bigliettu" . Per un viaghju in Sardegna, vi era statu dumandatu u nùmeru d'immatriculazione di u veìculu. Vi tuccherà à rinsignà u nuvellu nùmeru mentre chè vo mudificate u bigliettu.

Ùn si pò aghjunghje nè vittura, nè mottò nè bissicletta nant'à una riservazione. Una riservazione ùn pò cuntene chè un veìculu solu : per esempiu sè vo site 2 persone cun 2 mottò, bisogna à riservà 1 persona cù a mottò nant'à un bigliettu, l'atra persona cù a mottò nant'à un altru bigliettu.

In corsu di riservazione, in u quatru « Veìculu », usate puru u campu « Marca è mudellu » per rinsignà u vostru veìculu. Venerà attribuita a categurìa in autumàticu.

Sè vo avete una rimorca è/o qualcosa nant'à u tettu (cascione da tettu, gallerìa, bissicletta, etc ...), bisogna à signalalla mentre a riservazione, in u quatru « Veìculu ». Capunanzu averete pigliatu e misure cumplette di u veìculu cusì attrezzatu, prima di rinsignalle in i campi apposta.

Pudete sì, fà viaghjà un veìculu senza sciuffore. Addirizzàtevi à u nostru servìziu Fret per piglià i rinsignamenti è fà a riservazione.

I nostri battelli sò pruvisti di parechji tippi di cabine ch'anu tutte duscia, cabinetti, asciuvatoghji è lenzoli. Secondu u tippu ponu svarià certe cose : a taglia di i letti, cun finestrinu o senza, cun televisiò o senza, etc ... À vede a pàgina « E cabine ».
Pudete dinò cumprà una cabina propriu nant'à u battellu, prisentènduvi à l'accogliu di bordu.

E cabine Luxe, disposte nant'à tutti i Mega Express è u Mega Smeralda sò pruviste di televisiò.

Sò dispunìbuli i lettucci à bordu, à u prezzu di 7€ à traversata. I pudete piglià à l'accogliu di bordu.

Tempu cullatu à bordu sò à a vostra dispusizione usterìe, caffetterìe è self-service , è durante tutta a traversata. Avete tandu parechji mezi d'accunsèntevi cù robba di qualità è à bon'pattu. Truverete dinò à u Self-service ripasti adatti à i zitelli.

I nostri battelli sò pruvisti di cabine, usterie, cunsegne bagaglii, spazii per l'animali, lettucci da criaturi, sale di ghjochi per i zitelli.

Una cunsegna bagaglii hè à a vostra dispusizione nant'à ogni battellu, ubbligatòria sè vo ùn avete cabina. Stu spaziu ùn hè accessìbile durante a traversata. A cumpagnìa ricusa ogni rispunsabilità per i bagagli puru s'elli sò stati posti in cunsegna.

Hè assulutamente difesa di stà in vittura durante a traversata, è di fà campeghju à bordu (caravana, tenda, etc.).

Di sicuru, pudete cumprà u vostru bigliettu u ghjornu stessu di u viaghju (basta ch'ellu fermi a piazza), nant'à u situ web o puru direttamente à l'imbarcu.

I battelli per a Sardegna si pìglianu in Bunifaziu, è ghjùnghjenu in Santa Teresa di Gallura. A traversata dura 1 ora. Riservate puru à u 0825.095.095 (0,18€/minutu).

I battelli pàrtenu da i porti isulani di Bastia, Aiacciu, Calvi, l'Isula Rossa è ghjùnghjenu in Tulò, Nizza, Savona è Livornu.

Vi tocca à signalà u vostru animale tempu a riservazione, paghènduli u passagiu (à pàrtesi da 19€ à traversata). Vi tocca à purtà cun voi u so carnettu di salute / passaportu aurupeu cù i vaglioli à ghjornu. À bordu u vostru cane deve esse sempre ligatu cù a funa è a musarola. Pò stà cun voi durante tutta a traversata, fora chè in l'usterìe. Vi ramintemu chì per via di perìculu di morte, hè assulutamente difesa di lascià l'animali dentr'u veìculu. Per sapenne di più, cunsultate puru a pàgina nant'à l'animali à bordu .

Ùn avete micca bisognu di signalallu mentre a riservazione. Ma deve stà sempre in gabbia o sporta à fianc'à voi. Vi ramintemu chì per via di perìculu di morte, hè assulutamente difesa di lascià l'animali dentr'u veìculu.

Bisogna à mudificà a parte « Passageri » di a vostra riservazione, andendu in u quatru "Da cantu vostru" poi "Mudificate u vostru bigliettu" .

Pudete sì, fà u viaghju cù un cavallu, ma duvite fanne a dumanda particulare chjamendu u nostru servìziu di riservazione à u 0.825.095.095 (0,18€/min). U cavallu deve esse traspurtatu in un veìculu apposta (Van). Vi tocca dinò à fà una dichjarazione à l'uffìziu d'imbarcu prima di a partenza. À ogni mumentu pudete esse sugettu à un cuntrollu sanitàriu.

Fatta ch'ella hè a riservazione da u situ, vi hè mandatu u bigliettu per mail dopu qualchì minutu. Quand'ella vi pare, pudete richjamà u vostru bigliettu è stampavvi lu, andendu in a pàgina d'accuglienza di u nostru situ è dendu u nùmeru di riservazione è a vostra casata in u quatru "Da cantu vostru" poi "Ricacciate u vostru bigliettu" .

A mudìfica di nome o casata d'unu o più passageri ùn hè micca auturizata (cf. Cundizioni generale di vèndita, Règule di tariffi ferries, Mudìfica, art. 9 ). I biglietti ùn ponu esse spiccati. In casu di mudìfica di qualchì nome o casata serà emessu un nuvellu bigliettu.

S'ellu hè u vostru bigliettu à tariffu cun prumuzione Jackpot, ùn si pò mudificà. Osinnò, pudete mudificà u vostru bigliettu andendu in a pàgina d'accuglienza di u nostru situ è dendu u nùmeru di riservazione è a vostra casata in u quatru "Da cantu vostru" poi "Mudificate u vostru bigliettu" .
Seranu sugetti à spese di mudìfica di 30€ à traversata per qualsìasi mudìfica in tariffu standard, puru di nùmeru d'immatriculazione di u veìculu, da aghjustà à l'eventuali diferenze di tariffu.
Sè vo site membru di u CorsicaClub cun statutu Gold, vi sò rigalate e spese di mudìfica.

Pudete annullà u vostru bigliettu chjamènduci à u 0825.095.095 (0,18€/minutu). L'annullamenti sò sottuposti à e penalità quì sottu, da valè nant'à u prezzu fora di tasse di u bigliettu :
- 10% fin'à un mese prima di a partenza,
- 20% fin'à 48 ore prima di a partenza,
- 50% fin'à l'ora lìmita di prisentazione à l'imbarcu (vale à dì 1 ora),
- 100 % per ogni riservazione cun tariffu à prumuzione o standard.
Ùn serà cuncessu nisun'rimborsu in casu di prisentazione dopu u tempu lìmitu (1 ora prima di a partenza) o dopu l'arregistramentu, è quelli biglietti diventeranu invàlidi. Per l'annullamentu di un bigliettu per cui era digià statu fattu un scambiu di data, si tenerà contu di u ghjornu di a partenza iniziale.
I biglietti emessi cù una prestazione in tariffu cun prumuzione ùn si ponu nè mudificà, nè rimbursà in casu d'annullamentu di u bigliettu.
I biglietti emessi in tariffu standard ponu esse mudificati, essendu sugetti à spese di mudìfica di 30€ à traversata, da aghjustà à l'eventuali diferenze di tariffu. Ma ùn ponu esse rimbursati, nè in parte nè in tuttu.

State puru tranquillu, pudete pagà u vostru bigliettu cun carta di crèditu in tutta sicurezza. A transazzione hè fatta in modu SSL (Secure Socket Layer).

Pudete pagà u vostru bigliettu cun chèques-vacances, basta chì u viaghju sia da quì à più di 30 ghjorni. Chjamàteci à u 0825.095.095 (0,18€/minutu).

Sè vo avete persu a vostra parolla secreta, basta à scèglievi ne unu novu clicchendu nant'à "Ete persu a parolla secreta ?" in pàgina d'accuglienza. Vi serà mandata quella à u vostru indirizzu mail.

Sè vo ùn ete ricevutu parolla secreta nova, ponu esse duie e ragioni : O l'indirizzu mail da voi furnitu ùn hè quellu di u vostru contu, chì difatti hè una cundizione di sicurità. O pò accade chì u mail sia ghjuntu framez'à i currieri "indesiderati/Spam" di a vostra scàtula mail. S'ella ùn vale nè l'una nè l'altra a ragione, cuntattate puru i nostri servizii à corsicaclub@corsicaferries.com è a vi turneremu à mandà.

Mandàteci puru un mail cù u vostru nùmeru di cliente è u vostru nuvellu indirizzu mail chè no mèttimu à ghjornu u vostru contu. Tandu vi manderemu l'identificativi novi à st'indirizzu mail.

Custì avete duie suluzioni : O fate copia/incolla di a parolla secreta per pudevvi cunnette è dopu a mudificate dentru u vostru contu ("Mudificà a parolla secreta"). O ne create una nova clicchendu nant'à "Ete persu a parolla secreta" à diritta in pàgina d'accuglienza, in u quatrettu di cunnessione. Tandu vi manderemu a nova parolla secreta à u vostru indirizzu.

Dipoi a nuvella versione di u Corsica Club, emu rinfurzatu a sicurezza per l'accessu à u vostru contu. Vi hè statu mandatu un email cù i nuvelli identificativi vostri. Sè vo ùn l'avete ricevutu, cuntattate puru i nostri servizii à corsicaclub@corsicaferries.com è i vi turneremu à mandà.

Sè vo ùn ete ricevutu i vostri identificativi novi per cunnèttevi à u Corsica Club, ghjè forse perchè ch'ùn avemu micca u vostru nuvellu indirizzu mail. Tandu lasciàteci per email u vostru nùmeru di contu à corsicaclub@corsicaferries.com . Cusì metteremu à ghjornu i vostri dati è riceverete per email i vostri identificativi di cunnessione.

Ùn pò esse toltu u vostru contu senza accunsentu vostru. Per ritruvà l'accessu à u vostru contu, cuntattate puru i nostri servizii à corsicaclub@corsicaferries.com è riceverete per email i vostri identificativi di cunnessione.

L'ete digià un contu Corsica club. Per ritruvacci l'accessu, cuntattate puru i nostri servizii à corsicaclub@corsicaferries.com Osinnò, usate puru un antru indirizzu email per creavvi un nuvellu contu.

Hè pussìbule sì. Cuntattate puru i nostri servizii per telèfunu o email à corsicaclub@corsicaferries.com dènduci u vostru nùmeru di cliente è u nùmeru di riservazione.

S'accreditèghjanu in punti Corsica Nautics solu e riservazioni chì sò state fatte dopu a creazione di u vostru contu.

Hè pussìbule sì di fonde i vostri conti nant'à un ùnicu indirizzu mail senza perde punti. Cuntattàteci puru à corsicaclub@corsicaferries.com cù i dui nùmeri di contu è l'indirizzu mail da tene.

Per mudificà i vostri dati, basta à cunnèttevi à u vostru contu à andà à "E vostre infurmazioni" o puru "Mudificà l'infurmazioni", è poi à facci e mudìfiche è à cunvalidà. Sè vo vulete mudificà casata, nome o indirizzu mail, cuntattate tandu i nostri servizii à corsicaclub@corsicaferries.com mintuvendu e mudìfiche da facci.

Hè pussìbule sì di cambià a casata. Cuntattate tandu i nostri servizii à corsicaclub@corsicaferries.com mintuvendu e mudìfiche da facci.

Per vede e vostre riservazioni basta à cunnèttevi à u vostru contu cliente è andà à "I vostri Corsica Nautics". Quì venerà u detagliu di tutte e vostre riservazioni.

Per dà diritti à altre persone nant'à u vostru contu (moglia/maritu, cumpagnu, figlioli ...) basta à cunnèttevi, à andà à "Compie l'infurmazioni" è poi à rinsignà i campi cù e persone chì puderanu aduprà u vostru contu per riservà è gode i listessi vantagi-clienti.

S'ellu hè u vostru contu inattivu dapoi 36 mesi, u so saldu serà statu rimessu à zeru. S'ella ùn hè cusì, forse ete adupratu i vostri punti da rimessa nant'à qualchì viaghju vostru.

Serà chì quandu ete fattu sta riservazione, ùn èrate cunnessu à u vostru contu. Ma avete sempre 6 mesi per falla accredità, cuntattendu i nostri servizii à corsicaclub@corsicaferries.com .

Sè vo site agente Gruppu o Fret, e vostre riservazioni ùn vènenu accreditate à u vostru contu, chì quessa vale solu per i clienti particulari. Ma sè vo site cliente particulare, v'invitemu à cuntattà i nostri servizii à corsicaclub@corsicaferries.com per falla netta, mintuvendu u vostru nùmeru di cliente è u nùmeru di riservazione.

Sigura chè sì, vènenu amansati i punti riservendu per telèfunu quant'è per internet. Ùn vi scurdate di mintuvà à l'uperadore à telèfunu u vostru nùmeru di cliente ch'elli sìanu pigliati in contu bè quelli punti.

In casu d'inattività custattata, vale à dì nisuna riservazione fatta nant'à u contu dipoi più di 18 mesi, hè prevista una calata di u contu à u livellu suttanu senza pèrdita di punti.