Trasporti speziali
A nostra squatra stà à sente e vostre dumande specìfiche, cum'è i trasporti eccezziunali, robba particulare o sensìbule, animali vivi o morti.
Trasporti eccezziunali
Aldilà di e seguenti misure : 19m longu, 2,55m largu, 4,30m d'altu, 40 tonne, vene cunsideratu u vostru veìculu da trasportu eccezziunale.
Chè no pòssimu apprizià a facibilità di u vostru viaghju, per piacè mandate per mail à [email protected] un disegnu ditagliatu chì mintuveghji lungura, largura, altura, pesu è scartu frà e duie aste portaròtule (misura frà a ròtula davanti è quella daretu).
Serà tandu appiecatu un tariffu specìficu.
Qualsìasi veìculu di trasportu eccezziunale duverà esse presente nant'à u portu omancu 2 ore prima di a partenza. Osinnò ùn serà guarantita a riservazione.
Trasportu d'animali vivi
Sperti chè no simu in u trasportu di l'animali vivi, cavalli per esempiu, a nostra primura hè u so ben'essere. Perciò sò rigurosi i nostri prucedimenti è bella sicura in stretta cunfurmità cù a lege aurupea. Per quellu tippu di trasportu, a nostra forza ghjè regularità è poca durata di e traversate.
Ferete casu chì puderanu esse appiegate alcune diminuzioni per certe partenze.
Trasportu di mercanzìa
à timperatura mantenuta
Pò esse furnita è distribuita energìa elètrica à i sistemi di rifritamentu di i veìculi frigurìfichi nant'à e nostre navi.
U imbrancamentu di u veìculu deve esse richiestu da u cliente à temp'à a riservazione è deve ellu mintuvà à temp'à l'arregistramentu online a o e timperature richieste per ogni spaziu scumpartutu.
A cumpagnìa ùn hè micca rispunsèvule di l'avarìe nant'à a mercanzìa pudendu esse cagiunata da una panna di u gruppu frigurìficu di u veìculu o di u so termustatu.
Tocca à u cliente à verificà chì a tensione elètrica (in volt) furnita currisponde à quella dumandata (imbrancu 32A/50-60Hz/400 V).
À qualsìasi veìculu ch'ùn rispetterà quelle norme d'imbrancu li si puderà ricusà l'imbarcu.
U imbrancamantu à bordu hè fattu in presenza di u cliente da u nostru persunale spezializatu in eletricità, in cunfurmità cù a so dichjarazione online.
