Maiorca è Minorca, Baleare spùtiche
In Maiorca quant'ellu si pò girandulà frà mare è muntagna !
In core di l'ìsula di Maiorca, truverete belli paisucci priservati inturniati d'alivi, amànduli è altri àrburi fruttìferi.
Fate puru u giru di l'ìsula è lasciàtevi incantà da e pìccule marine inciuttulate, e pìccule cale sicrete s'elli ùn vi piacenu i renaghji zuffi di ghjente ...
Palma di Maiorca, capitale, serà dinò una bella surpresa cù u so centru stòricu.
In Maiorca scuprerete dinò a Serra di Tramuntana, serra principale di l'ìsula di Maiorca, classata à u Patrimoniu mundiale di l'Unesco, o Capi Formentor ... loche à taglià u soffiu !
Minorca, surelluccia di Maiorca, vene frequentata di menu è vi piacerà a so serenità. Quant'ellu ci hè pìccule marine ch'omu ci ghjunghje solu à pedi, cale di rena bianca inciuttulate in fondu di ste calanche !
Hè classata l'ìsula Riserva di a biosfera da l'UNESCO, è puderete visità u parcu s'Albufera des Grau, paradisu per l'acelli.
Ùn hà a so para Minorca per a spassighjata in muntagna, a bicicletta o u cavallu, è numerosi sò i chjassi à seguità cum'è u Camí de Cavalls, pista di 185 chilòmetri di longu ch'inturnieghja l'ìsula.
Traversate per Maiorca è Minorca
3 partenze à simana vi permettenu di ghjunghje in Maiorca è Minorca da Tulò.
Di notte si face a traversata à bordu di e nostre navi Mega Express, è à mane site à e Baleare.
*per 2 adulti, 1 zitellu, 1 vittura
*Offerta da valè nant'à tante traversate in Tariffu Standard, for'di e spese di gestione (8 €), secondu dispunibulità di a classa di tariffu è di e prestazioni, per un veìculu di menu di 5m di longu, 1,90m d'altu è 2m di largu, zitellu di menu di 12 anni. Tariffu Standard chì si pò mudificà, ma micca rimbursà.
Riservate per e Baleare
Maiorca è Minorca in fiure
