A storia di a cumpagnìa

Frà u 1968 è u 1981 a cumpagnìa Corsica Ferries, tandu chjamata Corsica Line sviluppa u so primu mercatu : e traversate frà Corsica è Italia.
Da tandu, a cumpagnìa ùn ferà chè cresce : À e ligne cù l'Italia si sò aghjunte quelle cù a Francia, è i battelli gialli anu acquistatu una certa fama di cunfortu è di qualità di servìziu.
In u 1981 vene compra a sucetà TTE in Italia. Cusì a marca Sardinia ferries s'addunisce à Corsica Ferries, è sta cumpagnìa marìttima assicureghja e traversate frà Sardegna è Italia. U battellu Sardinia Nova hè u primu ferry giallu à fà tuccà Livornu cù Olbia.
In u 1987 vene u battellu Sardinia Vera à fà cresce a flotta.
Di 1996 vene aperta a ligna frà Nizza è a Corsica cù u NGV Corsica Express.
E traversate veloce aprenu à a cuncurrenza u mercatu di e traversate frà a Francia è a Corsica. Listessu NGV vene messu in ligna frà Sardegna è Italia per Sardinia Ferries.
Di 2001 venenu messi in ligna i Mega Express, ferries veloci chì accrescenu assai a capacità in offerta, è a quantità di pass'è veni. Sò aperte e ligne frà Tulò è i porti d'Aiacciu, Calvi, l'Isula Rossa è Bastia.
In u 2004, Corsica Ferries piglia a testa per u trasportu di passageri nant'à a Corsica.
In listessa annata vene dinò messu in ligna u battellu amirale Mega Express Three nant'à a Sardegna.

Pascal Lota et son épouse

In u 2006 entre in ligna u Mega Express Four. Sò francati 3 milioni di passageri traspurtati, per dui terzi versu a Corsica è un terzu versu a Sardegna.
Di 2007/2008 vene compru è rimanighajtu u Mega Express Five.
In u 2008, a cumpagnìa mette in ligna u Mega Smeralda, nuvellu gioiellu di a flotta, è apre u situ Internet www.vivacorsica.com : un situ apposta per scopre a Corsica, per riservà, cumprà o pigiunà in Corsica, per ragiunà è scambià nant'à u sugettu di a Corsica.
In u 2009 entre in ballu u Mega Express Five. In quella annata, Corsica Ferries trasporta più di 2 600 000 passageri frà Francia/Italia è Corsica.
In u 2010, Corsica Ferries innuveghja è prupone à i so clienti un' appli Iphone è poi, di statina, apre una ligna NGV frà Bastia è Piumbinu, frà Bastia è Livornu.
In quella annata 2010, 2 778 300 passageri viaghjanu frà Francia/Italia è Corsica : ghjè una crèscita di guasi 4% di pettu à l'annata 2009.
In u 2012, si ripiglia a ligna frà Corsica è Elba, cù u Corsica Express chì da Piumbinu ghjunghe à Portuferraiu in solu 30 minuti !
Da lugliu à settembre sò pruposte 4 partenze à ghjornu da u portu di Bastia per ghjunghje in l'ìsula d'Elba.
In u 2013, Corsica Ferries hè traspurtadore ufficiale di u Giru di Corsica 2013 (bicicletta), è per l'occasione vene trasfurmatu u Mega Smeralda in centru di stampa nant'à l'acqua !
Di ghjugnu di u 2015 vene u Mega Andrea, picciu di u Mega Smeralda à entre in a flotta di Corsica Ferries.
Di 2016 sò iniziate nuvelle ligne, da Tulò è Nizza versu a Sardegna, è versu un novu portu di Corsica : Purtivechju.
Di ghjugnu di u 2017, entre in ligna u Pasquale Lota è diventa subitu nave amirale di a cumpagnìa.
D'aprile di u 2018 vene pruposta Maioraca, nuvella destinazione da raghjunghje da Tulò.

Di 2019 hè pruposta a Sicilia da nova destinazione da raghjunghje da Tulò.

Scuprite puru a storia di a nostra cumpagnìa à traversu i so ducumenti, fottò è filmetti nant'à Facebook, #CorsicaStories.

A storia in detagliu di a cumpagnìa (artìculu Navires & Marine marchande)



E date assignalate

1968: Creazione di a cumpagnìa marìttima Corsica Line chì diventerà Corsica Ferries.
Da a Corsica si ghjunghje in Italia.
1981: Aperture di e ligne Sardinia Ferries.
Da l'Italia (Livornu) si ghjunghje in Sardegna. Nàscita di a marca Sardinia Ferries.
1995: A cumpagnìa traspurteghja più di un milione di passageri.
1996: Apertura di e ligne frà cuntinente francese è Corsica.
Cù i battelli NGV Corsica Express di righjunghje Nizza da Bastia è Calvi/ L'Isula rossa (Balagna) in menu di 3 ore di traversata.
Piglia fine u monòpolu di e cumpagnìe di statu.
1997: Messa in ligna di NGV nant'à a ligna Civitavechja-Sardegna.
1998: A parte taliana di l'attività di a cumpagnìa vene trasferita da Ghjènuva à Savona, duve ch'ella hà ottenutu una cuncessìo nant'à u portu (50 000 m2).
1999: Cummanda fatta à i cantieri Orlando di Livornu per custruì i dui primi ferries veloci Mega Express.
Apertura di e ligne Nizza-Corsica in cruise ferry.
2000: Apertura di a ligna Tulò-Corsica.

Mega Express
2001: Entrata di i Mega Express nant'à e ligne Tulò-Corsica è Livornu-Golfu Aranci.
2003:Entrata di u Mega Express Three.
2006: Entrata di u Mega Express Four.
A cumpagnìa franca i 3 milioni di passageri traspurtati.
2007: Creazione di Kallisti Ferries www.kallistiferries.gr in partenariatu cù Spanos marìttimu (U Pireu, Grecia).
Sò impiegati dui ferries per fà pass'è veni frà l'isule Ciclate è l'Egea urientale.
2008: Entrata d'un novu ferry : Mega Smeralda.
2009: Entrata di u Mega Express Five.
2010: 20u anniversariu. Dapoi u 1990, più di 10 milioni di passageri sò passati in portu di Golfu Aranci à bordu di i battelli Sardinia Ferries.
In u 2013, a cumpagnìa gestisce 13 ligne, chì 7 sò da Nizza è Tulò.
2015: Entrata di u Mega Andrea.
2016:pertura di e ligne Francia-Sardegna.
2017: Vene inaugurata a nave Pasquale Lota, nave amirale di a flotta.
2018: Apertura di e ligne Francia-Baleare.
2018: Festighjeghja a cumpagnìa i so 50 anni.
2019: Apertura di e ligne Sicilia è Minorca da Tulò.