Lista di sugetti

Riturnà à i sugetti

Ùn aghju micca ricevutu u mo bigliettu / vulerebbi stampà u mo bigliettu, cumu possu fà ?

Fatta ch'ella hè a riservazione da u situ, vi vene mandatu u bigliettu per mail dopu qualchì seconda. Quand'ella vi pare, pudete richjamà u vostru bigliettu è stampavvi lu, andendu in pàgina d'accuglienza di u nostru situ è dendu u nùmeru di riservazione è a vostra casata in u quatru "Da cantu vostru" poi "Ricacciate u vostru bigliettu".

Si puderà mudificà nome o casata d'unu di i passageri nant'à u bigliettu ?

A mudìfica di nome o casata d'unu o più passageri ùn hè micca auturizata (cf. Cundizioni generale di vèndita, Règule di tariffi ferries, Mudìfica, art. 9). I biglietti ùn ponu esse spiccati. In casu di mudìfica di qualchì nome o casata serà emessu un nuvellu bigliettu.

Cumu possu mudificà u mo bigliettu ?

S'ellu hè u vostru bigliettu à tariffu cun prumuzione Jackpot, ùn si pò mudificà. Osinnò, pudete mudificà u vostru bigliettu andendu in pàgina d'accuglienza di u nostru situ è dendu u nùmeru di riservazione è a vostra casata in u quatru "Da cantu vostru" poi "Mudificate u vostru bigliettu".
Seranu sugetti à spese di mudìfica di 30€ à traversata per qualsìasi mudìfica in tariffu standard, puru di nùmeru d'immatriculazione di u veìculu, da aghjustà à l'eventuali diferenze di tariffu.
Sè vo site membru di u CorsicaClub cun statutu Gold, vi sò rigalate e spese di mudìfica.

Cumu possu annullà u mo bigliettu ?

Pudete annullà u vostru bigliettu chjamènduci à u 0825.095.095 (0,18€/minutu). L'annullamenti sò sottuposti à e penalità quì sottu, da valè nant'à u prezzu fora di tasse di u bigliettu :

- 10% fin'à un mese prima di a partenza,
- 20% fin'à 48 ore prima di a partenza,
- 50% fin'à l'ora lìmita di prisentazione à l'imbarcu (vale à dì 1 ora),
- 100 % per ogni riservazione cun tariffu à prumuzione o standard.
Ùn serà cuncessu nisun'rimborsu in casu di prisentazione dopu u tempu lìmitu (1 ora prima di a partenza) o dopu à l'arregistramentu, è quelli biglietti diventeranu invàlidi. Per l'annullamentu di un bigliettu per cui era digià statu fattu un scambiu di data, si tenerà contu di u ghjornu di a partenza iniziale.
In casu d'annullamentu di bigliettu in parte o in tuttu cù rimborsu di e tasse (tasse purtuale, regiunale è di sicurezza), seranu ritenuti 3,50 € di spese d'annullamentu à traversata, è 1 € di spese di gestione per ogni passageru. Ùn serà cuncessu nisunu rimborsu per un annullamentu in parte o in tuttu à menu di 48 ore prima di a partenza.
A dumanda di rimborsu deve esse mandàtaci solu per mail à l'indirizzu :
demandes_remboursements@corsicaferries.com.
I biglietti pagati cù carta nant'à u situ internet o per telèfunu seranu rimbursati da creditu nant'à a carta usata per a compra. I biglietti pagati per sceccu, frasca o pressu l'uffìziu d'imbarcu seranu rimbursati da viramentu bancariu (per piacè aghjunghje un RIB à l'email).
Per i biglietti fatti in agenza, dumanda si ne deve fà à quella agenza chì prucederà à u rimborsu.

Puderaghju pagà da u situ internet in tutta sicurezza ?

State puru tranquillu, pudete pagà u vostru bigliettu cun carta di crèditu in tutta sicurezza. A transazzione hè fatta in modu SSL (Secure Socket Layer).

Puderaghju pagà cun chèques-vacances ?

Per aduprà i vostri chèques-vacances, pudete pagà u vostru bigliettu direttamente cù a carta nant'à u nostru situ (Paypal è pagamentu in 3 volte ùn sò permessi in stu casu quì), è mandacci i vostri chèques-vacances u più prestu pussìbule, accumpagnati da u nùmeru di reiservazione à l'indirizzu quì sottu :

Corsica Ferries Service Vacances
Le Palais de la Mer
Avenue Pascal Lota BP275
20296 BASTIA Cedex

Tempu ricevuti, u nostru servìziu Cuntabilità prucederà à u rimborsu nant'à a carta usata per a compra nant'à u situ internet.
Deve esse u tutale di i chèques vacances ricevuti più bassu di pettu à u prezzu di u bigliettu :
Ad esempiu, per un bigliettu chì vale 302.22 € ttc à pass'è vene, sè vo mandate 300 € in chèques vacances, venerete rimbursatu da 300 € nant'à a vostra carta.
Ùn sò micca accettati E-Chèques Vacances.
I vostri chèques vacances duveranu ghjunghje à i nostri servìzii u ghjornu di a partenza à u più tardi, osinnò ùn puderanu fà ugettu di rimborsu.