Battellu da Corsica / Prestazioni à bordu di i battelli

Lista di i sugetti

  • Chì sò i servizii pruposti in e cabine ?
    I nostri battelli sò pruvisti di parechji tippi di cabine ch'anu tutte duscia, cabinetti, asciuvatoghji è lenzoli. Secondu u tippu ponu svarià certe cose : a taglia di i letti, cun finestrinu o senza, cun televisiò o senza, etc ... À vede a pàgina « E cabine ».
    Pudete dinò cumprà una cabina propriu nant'à u battellu, prisentènduvi à l'accogliu di bordu.
  • Ci serà a televisiò in e cabine ?
    E cabine Luxe, disposte nant'à tutti i Mega Express è u Mega Smeralda sò pruviste di televisiò.
  • Ci sò i lettucci per i criaturi in e cabine ?
    Sò dispunìbuli i lettucci à bordu, à u prezzu di 7€ à traversata. I pudete piglià à l'accogliu di bordu.
  • Puderaghju manghjà à bordu ?
    Tempu cullatu à bordu sò à a vostra dispusizione usterìe, caffetterìe è self-service , è durante tutta a traversata. Avete tandu parechji mezi d'accunsèntevi cù robba di qualità è à bon'pattu. Truverete dinò à u Self-service ripasti adatti à i zitelli.
  • Chì sò l'altri servizii dispunìbuli nant'à u battellu ?
    I nostri battelli sò pruvisti di cabine, usterie, cunsegne bagaglii, spazii per l'animali, lettucci da criaturi, sale di ghjochi per i zitelli.
  • Sò à pedi. Ci serà un spaziu per accansà i mo bagaglii ?
    Una cunsegna bagaglii hè à a vostra dispusizione nant'à ogni battellu, ubbligatòria sè vo ùn avete cabina. Stu spaziu ùn hè accessìbile durante a traversata. A cumpagnìa ricusa ogni rispunsabilità per i bagagli puru s'elli sò stati posti in cunsegna.
  • Puderaghju stà in vittura durante a traversata ?
    Hè assulutamente difesa di stà in vittura durante a traversata, è di fà campeghju à bordu (caravana, tenda, etc.).
  • Puderaghju piglià u mo bigliettu à l'ùltimu mumentu ?
    Di sicuru, pudete cumprà u vostru bigliettu u ghjornu stessu di u viaghju (basta ch'ellu fermi a piazza), nant'à u situ web o puru direttamente à l'imbarcu.
  • Ci seranu i battelli frà a Corsica è a Sardegna ?
    I battelli per a Sardegna si pìglianu in Bunifaziu, è ghjùnghjenu in Santa Teresa di Gallura. A traversata dura 1 ora. Riservate puru à u 0825.095.095 (0,18€/minutu).
  • Da chì porti pàrtenu i battelli per andà in cuntinente ? Per andà in Italia ?
    I battelli pàrtenu da i porti isulani di Bastia, Aiacciu, Calvi, l'Isula Rossa è ghjùnghjenu in Tulò, Nizza, Savona è Livornu.