Cumu ne possu apprufittà ?

Ghjè assai sèmplice ! Fate a vostra riservazione nant'à u situ fin'à a pàgina "Pagamentu".
Tandu vi serà prupostu u pagamentu in 3 volte per cumprà u vostru bigliettu :
- à pàrtesi di 200€ TTC.
- per una partenza à più di 70 ghjorni.

Cumu viaghja ?

Verenanu appiecati 6€ di spese di pagamentu attempatu, aghjunti à u prezzu tutale di a riservazione. Cusì vènenu prilevate e 3 scadenze :



- Prima scadenza : u ghjornu stessu, tempu cunvalidata a riservazione
- Seconda scadenza : 30 ghjorni dopu à a data di riservazione
- Terza scadenza : 60 ghjorni dopu à a data di riservazione



Per esempiu, sè vo cumprate un bigliettu di 248€ TTC, + 6 € di spese di pagamentu attempatu :
Pagate sùbitu 84,68€ poi 84,66€ 30 ghjorni dopu, è poi torna 84,66€ 60 ghjorni dopu.

Qualesse sò e carte abilitate ?

Hè pussìbule u pagamentu in 3 volte sè vo avete una carta Visa, Mastercard, o American Express cù una data di caduta aldilà di u tempu tutale di u pagamentu (vale à dì data di riservazione + 60 ghjorni).

Pagamentu in 3 volte senza spese

Si pò fà ! Basta ch'ella sia a vostra riservazione (à passà è/o à rivene) in tariffu Flex. Tandu vi rigalemu e spese di pagamentu attempatu, vale à dì 6€ !
Fermanu listesse e cundizioni : Prezzu à pàrtesi di 200€ TTC è data di partenza aldilà di 70 ghjorni.

Cundizioni d'appiecu, mudìfica/annullamentu

Cundizioni :
- Ùn pudete gode i vantagi di u Corsica Club (acquistu di punti CorsicaNautics, pagamentu cun boni di scontu ...) sè vo sceglite u pagamentu in 3 volte o in 3 volte senza spese.
- In casu d'incidente di pagamentu nant'à qualchì tratta vi serà mandatu un rilanciu per mail. Senza regularizazione da parte vostra mentre 7 ghjorni, a cumpagnìa annullerà a riservazione à pass'è vene sana sana senza alcunu preavisu. E tratte digià prilevate ùn seranu rimbursate.
Mudìfica/Annullamentu:
- S'ellu si pò mudificà u vostru bigliettu (tariffu Standard o Flex) è chè vo vulete scambià a data di partenza, serà pussìbule a mudìfica s'ella ferma a nuvella data di partenza sempre aldilà di 70 ghjorni dop'à a data iniziale di riservazione.
- Sè vo vulete aghjunghje prestazioni, nascerà tandu un'antra transazzione indipendente di u pagamentu in 3 volte iniziale.
- Sè vo duvite annullà u vostru bigliettu (tariffu Flex), veneranu rimbursate e tratte digià prilevate, ritenùtesi e penalità in usu, è veneranu annullate e tratte à vene.
- Bigliettu à tariffu Standard o à prumuzione : ùn serà fattu nisun'rimborsu in casu d'annullamentu fattu prima di a fine di pagamentu cumplettu di e tratte. E tratte nancu à prilevà veneranu prilevate in tutalità.