Quistioni/Risposte Corsica Club

Identificativi persi, mal'cunnessione à u contu

Aghju persu a mo parolla secreta, cumu possu fà ?
Sè vo avete persu a vostra parolla secreta, basta à creanne una nova clicchendu nant'à "Ete persu a parolla secreta" in pàgina d'accuglienza. A vi serà mandata à l'indirizzu chè vo ete furnitu.
Aghju cliccatu nant'à "Ete persu a parolla secreta" ma ùn aghju ricevutu mail. Cumu possu buscammine una nova ?
Sè vo ùn ete ricevutu parolla secreta nova, ponu esse duie e ragioni : O l'indirizzu mail da voi furnitu ùn hè quellu di u vostru contu, chì difatti hè una cundizione di sicurità. O pò accade chì u mail sia ghjuntu framez'à i currieri "indesiderati/Spam" di a vostra scàtula mail. S'ella ùn vale nè l'una nè l'altra a ragione, cuntattate puru i nostri servizii à [email protected] è a vi turneremu à mandà.
Aghju scambiatu d'indirizzu mail è ùn mi ricordu più di a mo parolla secreta. Cumu possu fà ?
Mandàteci puru un mail cù u vostru nùmeru di cliente è u vostru nuvellu indirizzu mail chè no mèttimu à ghjornu u vostru contu. Tandu vi manderemu l'identificativi novi à st'indirizzu mail.
A parolla secreta ricevuta hè troppu cumplicata è ùn viaghja micca. Cumu possu fà ?
Custì avete duie suluzioni : O fate copia/incolla di a parolla secreta per pudevvi cunnette è dopu a mudificate dentru u vostru contu ("Mudificà a parolla secreta"). O ne create unu novu clicchendu nant'à "Ete persu a parolla secreta" à diritta in pàgina d'accuglienza, in u quatrettu di cunnessione. Tandu vi manderemu a nova parolla secreta à u vostru indirizzu.
Prima per cunnèttemi usava casata è nùmeru cliente. Avà omu mi dumanda usuariu è parolla secreta ma ùn l'aghju micca. Cumu i mi possu buscà ?
Dipoi a nuvella versione di u Corsica Club, emu rinfurzatu a sicurezza per l'accessu à u vostru contu. Vi hè statu mandatu un email cù i nuvelli identificativi vostri. Sè vo ùn l'avete ricevutu, cuntattate puru i nostri servizii à [email protected] è i vi turneremu à mandà.
Ùn ci la facciu à cunnèttemi. Omu mi dumanda a parolla secreta ma eo ùn l'aghju. Cumu possu fà ?
Sè vo ùn ete ricevutu i vostri identificativi novi per cunnèttevi à u Corsica Club, ghjè forse perchè ch'ùn avemu micca u vostru nuvellu indirizzu mail. Tandu lasciàteci per email u vostru nùmeru di contu à [email protected]. Cusì metteremu à ghjornu i vostri dati è riceverete per email i vostri identificativi di cunnessione.
Avia un contu ma ùn ci aghju più l'accessu. Serà statu toltu ? Cumu possu fà per accèdelu ?
Ùn pò esse toltu u vostru contu senza accunsentu vostru. Per ritruvà l'accessu à u vostru contu, cuntattate puru i nostri servizii à [email protected] è riceverete per email i vostri identificativi di cunnessione.

Gestione di u contu

Provu à creammi un contu ma mi risponde u situ chì un contu esiste digià cù st'indirizzu mail ...
L'ete digià un contu Corsica club. Per ritruvacci l'accessu, cuntattate puru i nostri servizii à [email protected] Osinnò, usate puru un antru indirizzu email per creavvi un nuvellu contu.
Vulerebbi accredità a compra d'una cabina à bordu nant'à u mo contu Corsica Club. Serà pussìbule ?
Hè pussìbule sì. Cuntattate puru i nostri servizii per telèfunu o email à [email protected] dènduci u vostru nùmeru di cliente è u nùmeru di riservazione.
Mi sò scrittu à u Corsica Club ùn hè tantu. Serà pussìbule d'accredità nant'à u mo contu e riservazioni ch'aghju fattu prima di scrìvemi ?
S'accreditèghjanu in punti Corsica Nautics solu e riservazioni chì sò state fatte dopu a creazione di u vostru contu.
Aghju parechji conti à nome meu. Serà pussìbule di fanne unu solu senza pèrdene punti ?
Hè pussìbule sì di fonde i vostri conti nant'à un ùnicu indirizzu mail senza perde punti. Cuntattàteci puru à [email protected] cù i dui nùmeri di contu è l'indirizzu mail da tene.
Vulerebbi mudificà e mo infurmazioni d'indirizzu. Cumu possu fà ?
Per mudificà i vostri dati, basta à cunnèttevi à u vostru contu à andà à "E vostre infurmazioni" o puru "Mudificà l'infurmazioni", è poi à facci e mudìfiche è à cunvalidà. Sè vo vulete mudificà casata, nome o indirizzu mail, cuntattate tandu i nostri servizii à [email protected] mintuvendu e mudìfiche da facci.
Vulerebbi mudificà a mo casata. Serà pussìbule ?
Hè pussìbule sì di cambià a casata. Cuntattate tandu i nostri servizii à [email protected] mintuvendu e mudìfiche da facci.
Vulerebbi cunsultà e mo ùltime riservazioni. Serà pussìbule ?
Per vede e vostre riservazioni basta à cunnèttevi à u vostru contu cliente è andà à "I vostri Corsica Nautics". Quì venerà u detagliu di tutte e vostre riservazioni.
Cumu fà perchì i mo parenti è amici pòssinu apprufittà anch'elli di i mo vantagi Corsica Club ?
Per dà diritti à altre persone nant'à u vostru contu (moglia/maritu, cumpagnu, figlioli ...) basta à cunnèttevi, à andà à "Compie l'infurmazioni" è poi à rinsignà i campi cù e persone chì puderanu aduprà u vostru contu per riservà è gode i listessi vantagi-clienti.

Gestione di i punti Corsica Nautics

Avia unipochi di punti nant'à u mo contu ma ùn ci sò più. Cumu serà ?
S'ellu hè u vostru contu inattivu dapoi 36 mesi, u so saldu serà statu rimessu à zeru. S'ella ùn hè cusì, forse ete adupratu i vostri punti da rimessa nant'à qualchì viaghju vostru.
Fighjendu a lista di e mo riservazioni mi sò avvistu chì u mo ùltimu viaghju ùn ci hè. Cumu serà ?
Serà chì quandu ete fattu sta riservazione, ùn èrate cunnessu à u vostru contu. Ma avete sempre 6 mesi per falla accredità, cuntattendu i nostri servizii à [email protected].
Aghju fattu una riservazione essendu cunnessu à u mo contu ma ùn hè statu accreditatu nisun'puntu ...
Sè vo site agente Gruppu o Fret, e vostre riservazioni ùn vènenu accreditate à u vostru contu, chì quessa vale solu per i clienti particulari. Ma sè vo site cliente particulare, v'invitemu à cuntattà i nostri servizii à [email protected] per falla netta, mintuvendu u vostru nùmeru di cliente è u nùmeru di riservazione.
S'o facciu riservazioni per telèfunu chjamendu i vostri servizii, s'amànsanu listessu i punti nant'à u mo contu ?
Sigura chè sì, vènenu amansati i punti riservendu per telèfunu quant'è per internet. Ùn vi scurdate di mintuvà à l'uperadore à telèfunu u vostru nùmeru di cliente ch'elli sìanu pigliati in contu bè quelli punti.
Era à livellu Silver cù unipochi di punti. Aghju sempre sti punti ma avà sò à livellu Yellow. Serà nurmale ?
In casu d'inattività custattata, vale à dì nisuna riservazione fatta nant'à u contu dipoi più di 18 mesi, hè prevista una calata di u contu à u livellu suttanu senza pèrdita di punti.