I vantagi

Plus d'informations et conditions

Cundizioni d'adopru

U contu CorsicaClub hè pròpriu numinativu è s'appieca solu à i particulari (sclusi fret, sucetà è gruppi). Vene sottumessu à e cundizioni quì sottu :

  • U contu Corsica Club hè tuttu di gràtisi è senza ingagiamentu di tempu.
  • Bisugnerà chì u titulare di u bigliettu riservatu sia u titulare di u contu, o puru u cunghjuntu s'ellu hè statu arregistratu quellu in e dati in supplementu di u contu ("Compie e mo infurmazioni"), è bisugnerà ch'ellu sia frà quelli chì fàcenu u viaghju riservatu. A direttiva aurupea (98/41/CE art. 5) impone chì sìanu ubligaturiamente furniti casata, nome, sessu, età di i passageri à tempu a riservazione. In casu di falza dichjarazione o arrubbecciu d'identità, puderanu occorre attacchi ghjudiziarii.
Cumu viaghja ?
  • Durante a riservazione, per pudè amansà o aduprà punti, bisogna chì u membru sia cunnessu cun usuariu è parolla secreta.
  • 20 € di biglietti cumprati (fora di tasse è diritti) = 1 CorsicaNautic = un valore di 1 €.
  • 1 CorsicaNautic = 1 € di valore aduprèvule per ogni riservazione nant'à e nostre ligne.
  • Sò cunsiderate solu e prestazioni di a cumpagnìa in u càlculu di u prezzu riservatu (vale à dì : sò scluse e prestazioni assicurenza, soprapiù di benzina, spese di gestione, etc ...).
  • S'elli sò amansati più di 50 punti (euros), vènenu quessi aduprèvuli è solu sì u prezzu (fora di tasse è diritti) di u bigliettu vale più di 50 €.
Accredimentu di i punti
  • Vènenu accreditati i CorsicaNautics in tantu chè avere nant'à u vostru contu.

Per indettu : Compru 1000 € di biglietti fora di tasse, vènenu ammansati 50 CorsicaNautics nant'à u vostru contu, da aduprà in tantu chè avere per l'acquistu di biglietti Corsica Ferries.

  • Sè vo vi site scurdatu d'accredità u vostru bigliettu à u contu, n'ete a pussibulità dopu viaghjatu, per 6 mesi nant'à www.corsicaferries.com. Bisognerà quantunque chì a riservazione sia stata fatta dopu à a creazione di u contu.
Cunvalidità

I CorsicaNautics amansati sò vàlidi durante 36 mesi dopu à l'ùltima riservazione fatta. Trascorsi quelli sei mesi, vènenu tolti da u contu sì nisuna riservazione hè stata fatta nant'à u contu.
Ogni muvimentu di punti nant'à u contu cagiunatu da qualsìasi altra azzione (cumparìzia di novu membru, accordu puntuale di punti, etc.) ùn serà cunsideratu in u tempu di cunvalidità di i CorsicaNautics .
Livelli : U Corsica Club hè fattu à trè livelli bellu distinti : Yellow, Silver è Gold . Ogni livellu currisonde à vantagi specìfichi.
Ognunu accede à u livellu Yellow, tempu a creazione di u contu, senza nisun'òbligu di riservazione.
Per passà à u livellu Silver, bisogna ad avè amansatu 100 CN durante l'ùltimi 18 mesi o 50 CN per via di 2 riservazioni à pass'è vene fatte durante quelli 18 mesi.
Per passà à u livellu Gold, bisogna ad esse membru Silver è avè amansatu 200 CN durante l'ùltimi 18 mesi.

Contu senza attività : In casu d'inattività custattata, vale à dì nisuna riservazione fatta nant'à u contu dipoi più di 18 mesi, u contu paterà una calata à u livellu suttanu senza pèrdita di punti. Dopu 36 mesi d'inattività occorrerà ancu a pèrdita di i punti.

Creazione di contu

Da rigalu di benvenuta vènenu attribuiti 10 CorsicaNautics tempu a creazione di u contu Corsica Club. S'elli sò rinsignati tutti i campi (quelli ubligatorii è quelli micca) di u furmulariu di scrizzione, vènenu accurdati torna 5 punti à u titulare di u contu.
Hè auturizatu un solu contu Corsica Club à persona. L'unicità hè data da i campi casata, nome è indirizzu mail rinsignati à a creazione di u contu.

Cumparìzia di novu membru

U Corsica Club permette à u titulare d'esse cumpare di persone di a so scelta chì vòlenu raghjunghje u Corsica Club. Perciò hè previstu un furmulariu di cumparìzia. Seranu attribuiti 5 CorsicaNautics à u cumpare per ogni novu figlianu scrittu, tempu a prima riservazione di quessu.

Annullamentu è mudìfica biglietti. Cumu si passa per i punti ?
  • Quandu si mudificheghja un bigliettu, i punti amansati à a prima riservazione vènenu addebitati da u contu di u titulare. I punti cagiunati da a nuvella riservazione vènenu accreditati à u contu.
  • Quandu si annulleghja un bigliettu, tutti i punti amansati è liati à quella riservazione vènenu addebitati da u contu di u titulare.
Chjusura d'un contu

Quand'ella vi pare pudete dumandà a chjusura di u vostru contu Corsica Club. Basta à fàccine a dumanda . Bisogna à mintuvà in u vostru messagiu u vostru nùmeru di contu da chì no vi pòssimu identificà.
I punti amansati seranu tandu persi per u sempre ...

Dati

I dati trasmessi sò sugetti à trattamentu infurmàticu da Corsica Ferries. Sò ùtuli per gestisce u vostru contu, per cunnòscevi megliu è prupònevi offerte persunalizate. Quelli dati sò usati solu da Corsica Ferries è i so partenarii sè vo ete accettatu di ricèvene l'offerte.
In cunfurmità cun l'artìculu 34 di a lege "Infurmàtica è Libertà" di u 6 di ghjennaghju di u 1978, v'hè dispostu un dirittu d'accessu, mudìfica, currezzione è cancellu di l'infurmazioni numinative chì à voi riguàrdanu. Per fallu valè, scrivite puru.