Riservà un veìculu

Lista di i sugetti

  • Prima di a partenza vulerebbi scambià u veìculu ch'aghju riservatu. A puderaghju fà ?
    Sì u nuvellu veìculu hè di listessa categurìa chè quellu prima, ùn avete nunda à mudificà nant'à a vostra riservazione. Invece sì e categurìe sò sferente, vi tocca à mudificà u vostru bigliettu nant'à u situ, in u quatru "Da cantu vostru" poi "Mudificate u vostru bigliettu" . Per un viaghju in Sardegna, vi era statu dumandatu u nùmeru d'immatriculazione di u veìculu. Vi tuccherà à rinsignà u nuvellu nùmeru mentre chè vo mudificate u bigliettu.
  • Vulerebbi aghjunghje 2 vitture (o mottò) à a mo riservazione. Serà pussìbule ?
    Ùn si pò aghjunghje nè vittura, nè mottò nè bissicletta nant'à una riservazione. Una riservazione ùn pò cuntene chè un veìculu solu : per esempiu sè vo site 2 persone cun 2 mottò, bisogna à riservà 1 persona cù a mottò nant'à un bigliettu, l'atra persona cù a mottò nant'à un altru bigliettu.
  • Categurìa A, B, ... chì ne sò eo ?
    In corsu di riservazione, in u quatru « Veìculu », usate puru u campu « Marca è mudellu » per rinsignà u vostru veìculu. Venerà attribuita a categurìa in autumàticu.
  • Cosa devu fà s'o aghju una rimorca o un cascione da tettu ?
    Sè vo avete una rimorca è/o qualcosa nant'à u tettu (cascione da tettu, gallerìa, bissicletta, etc ...), bisogna à signalalla mentre a riservazione, in u quatru « Veìculu ». Capunanzu averete pigliatu e misure cumplette di u veìculu cusì attrezzatu, prima di rinsignalle in i campi apposta.
  • Puderaghju fà passà un veìculu senza sciuffore ?
    Pudete sì, fà viaghjà un veìculu senza sciuffore. Addirizzàtevi à u nostru servìziu Fret per piglià i rinsignamenti è fà a riservazione.