Prisentazione à l'imbarcu

Lista di i sugetti

  • Chì ducumenti ci vulerà ch'o appia per imbarcà ?
    Vi tocca à purtà cun voi qualchì ducumentu d'identità in corsu di validità (carta d'identità o passaportu) cun ghjustificativi di riduzzioni. À ogni mumentu ponu occorre cuntrolli d'identità di i passageri o biglietti cun paragonu di ducumenti, ch'ella sia nant'à u portu o à bordu.
  • Cumu si face per ghjunghje à u portu ?
    Truverete in a pàgina "In viaghju" poi "I porti" un pianu d'accessu d'ogni portu di partenza.
  • À chì ora si deve ghjunghje per imbarcà ?
    Sè vo imbarcate senza vittura, prisentàtevi puru omancu una mezora prima di a partenza. Cù a vittura, prisentàtevi omancu un'ora prima. Corsica Ferries si tene u dirittu di ricusà l'accessu à u battellu s'ella ùn hè rispettata l'ora di prisentazione.
  • Aghju riservatu u Nautel, à chì ora devu ghjunghje per imbarcà ?
    Prisentàtevi puru trà 8 ore è mezu di sera è 10 ore. Avete a pussibulità di fà cena à bordu, essendu aperti i nostri diversi servìzii di risturazione tempu chè vo site ghjuntu.
  • Simu parechji in vittura. Si puderà fà chì unu imbarchi a vittura mentre chì l'altri còllanu à pedi nant'à u battellu ?
    Sì una o parechje persone vòlenu cullà à pedi mentre l'imbarcu di a vittura in garagiu, basta à riservà a prestazione « Express Boarding ». Vi prupunimu dinò u servìziu « Top Position » : In più di « l'Express Boarding » per i passageri, u sciuffore imbarca u so veìculu di modu à esse piazzatu à a surtita di u battellu è di sbarcà sùbitu sùbitu. Sti 2 servìzii sò da riservà nant'à u situ, basta ch'elli sìanu dispunìbuli.