Tutti i nostri porti

Imbarcu - Prisentazione Nautel

Ora di prisentazione:
Sè vo imbarcate senza vittura, prisentàtevi puru omancu mezora prima di a partenza. Cù a vittura, prisentàtevi omancu un'ora prima. In tempi di vacanze, vi cunsigliemu d'èsseci ancu bellu prima, vale à dì un'ora è mezu prima di a partenza. Di vultata, lasciàtevi dinò u tempu di ghjunghje à u portu è tenite à contu chì ci ponu esse l'ingorghi nant'à isse strade !
Attenzione : Francata l'ora lìmita di presentazione annunciata, ùn hè più guarantita a riservazione nè l'imbarcu. Difatti, puderà accade chì l'ora di partenza sia mossa senza preavisu fin'à 30 minuti in avanzu di pett'à l'ora publicata.

Ghjuntu in portu, anderete puru direttamente à a fila d'imbarcu cù u vostru bigliettu (tick-e-mail , SMS-Ticket, Tickefax, copia di screnu di a pàgina di riservazione ...), da favvi arregistrà, è vi serà rimessa a vostra carta d'imbarcu.
In cunfurmità cù u regulamentu ISPS (còdice internaziunale per a sicurezza di e nave è i porti), à ogni mumentu ponu esse fatti cuntrolli di biglietti è d'identità, ch'ella sia in portu o à bordu. Vi preghemu di tene cun voi biglietti, sè vo l'avete, ducumenti d'identità in corsu di validità è ghjustificativi di reduzzione.
Pè a vostra sicurità, ùn state mai à menu di 50 metri vicinu da u battellu durante e manofre d'imbarcu è di sbarcu.

Imbarcu per u Nautel
Sè vo avete riservatu u Nautel, prisentàtevi puru à u portu di Livornu fin'à 11 ore di sera, a vigìlia di a vostra partenza per a Corsica.
Tempu à bordu vi seranu disposti i diversi servizii di bar è usterìa.