Cumpensate u vostru viaghju

Cumpensà u so viaghju di propriu vulè, ghjè cuntribuisce à fà calà l'emissioni di gasu « cù effettu di vitrera » è permette di sustene un'iniziativa di ghjuvore.
In Francia i gasi « cù effettu di vitrera » chì sò emessi supranèghjanu 4 volte di più ciò ch'ella ne pò surpà a pianeta.
Agisce hè tandu un'urgenza, è tutti inseme !


Perchè cumpenseraghju ?

Cumpensu viaghju


Quandu si viaghja, ùn si rende omu contu quant'elle ne sò e cunseguenze nant'à l'embiu.

I trasporti cagiunèghjanu 27% di l'emissioni di gasu à livellu naziunale. Per aiutavvi à participà à a lotta contr'à u riscaldu climàticu, Corsica Ferries è Pure Projet vi prupònenu di cumpensà u vostru muvimentu sustenendu un prugettu di risanamentu d'una furesta à u Perù , chì oltre a lotta contr'à u riscaldu climàticu, bella sicura u scopu ne hè dinò a lotta per a biodiversità, per i pòpuli di u lucale è per a suvranità alimentare.
Sti prugetti finanzati sò di più chè un aiutu contr'à u riscaldu, ma propriu un sustegnu à e pupulazioni in a so vita di tutti i ghjorni (punera di fruttìferi, rimbuscamentu ...)

Per sapenne di più nant'à u prugettu

Cumu possu cumpensà ?

Hè bella sèmplice ! Basta à lasciavvi guidà ... Tempu a riservazione vi serà mintuvatu quant'ellu vale u vostru cumpensu è vi basterà à accettà sta pruposta.
Poi riceverete un certificatu di cumpensu chì vi permetterà di situà a vostra piantazione.
Ogni benefattore puderà accede à « a soia » a piantazione usendu Google Earth, à u registru di piantazione è à u raportu di prugressu di u prugettu.
Cumpensà oghje hè un attu ùtule, fàciule è cuncretu per sminuì e so proprie cunseguenze nant'à l'embiu.