Una cabina per a traversata

In traversata di notte vi cunsigliemu di riservà una cabina. Vi sò pruposte à usu sclusivu vostru, è ne pudete dispone pè a traversata sana. Fate casu quantunque chì e cabine ùn sò tuute listesse, nè anu listessa dispunibulità da una nave à l'altra. Un'ora prima di ghjunghje vene fattu un annunziu da discità i passageri. E cabine devenu esse liberate 45 minuti prima di u scalu.
Durante a riservazione è secondu a dispunibulità, sceglite puru a cabina è l’opzioni chì vi cunvenenu u più (finestrinu, lettu doppiu ...).
S’è vo site passageru cun poca mubilità, pudete riservà una cabina adatta.
S’è vo viaghjate cù u vostru cane, vi tocca à riservà una cabina dedicata (cù u pavimentu in linoleum).
Durante u check-in, vale à dì 3 ghjorni prima di a partenza, pudete sceglie u locu di a vostra cabina è dinò opzioni in soprappiù (solu per certe cabine), cum’è u rompidighjunu o u check-out late!

Nant'à certe ligne hè ancu pussìbule di riservà letti. Tandu ùn hè più à usu sclusivu a cabina occupata da voi ma vi tuccherà à spàrtela cù altre persone di listessu sessu. Ùn pudemu assicurà chì a ghjente chì viaghja cun voi sia in a vostra cabina.
Attenzione : Fate casu chì l'usu di a scala hè ubligatoriu per cullà nant'à u lettu supranu, quand'elli sò soprapposti i letti nentr'à a cabina. Quelli letti suprani ùn cunvenenu à zitelli di menu di 12 anni.

Ponu esse appigiunati lettucci per a traversata, secondu a dispunibulità. Dumanda si ne face à l'accogliu di u battellu, fendu casu cù u nostru persunale di bordu chì u lettucciu possi esse stallatu in cabina à voi attribuita (in certe cabine, ci manca a piazza).